Ein høyrer gjerne at bruk av stauder fører til meir arbeidskrevjande plantingar. Dette er ein myte me ynskjer gripa tak i. Mange av staudene våre har absolutt sin plass i offentleg anlegg.

Både p. g .a. mangfald og livskraft, men og fordi mange stiller små krav til vedlikehald. Med tanke på å unngå etablering av frøugras, er særleg dei storblada staudene aktuelle. Stauder med store blad eller tett, kraftig bladvekst, slepp så lite lys til marka under, at frøugras ikkje spirer. Mange stiller heller ikkje krav til deling eller klipping. Desse staudene har ein rask tilvekst. Samanlikna med buskar, får ein i mange høve ei raskare etablering og tett plantedekke.